بسم الله الرحمن الرحيم
السلام عليكم ورحمة الله
هاذي اول تدوينه لي واتمنى ما تكون الاخيره
راح اتكلم عن اربع منتجات من لش جربتهم بالفتره اللي راحت
راح ابدا باكثر منتج حبيته
هل شامبو جميل جداً جداً
مميزات المنتج : المنتج عباره عن شامبو مع قطع من الملح الخشن ريحته جميله ومنعشه ... وبسبب وجود الملح راح هاذا الشامبو
ينظف لك فروة الراس بشكل رهيب
طريقة استخدامي : انا نوعية شعري دهني من الجذور جاف من الاطراف ..
عشان كذا اركز كثير لما استخدم المنتج على الجذور واركز بعد على فروة الراس من الخلف
استخدم المنتج مره بالاسبوع او كل ماحسيت ان شعري دهن او يحتاج تنظيف عميق استخدمته
بعد استخدام المنتج راح يجف شعرك كثير ف استخدمي بعده الماسك اللي ترتاحين له
شكل المنتج من الداخل
تقيمي للمنتج : 10 من 10
اتوقع اذا خلص راح ارجع اشتريه بأذن الله
الشي الثاني اللي حبيته هل تونر
مميزات المنتج : ريحته منعشه بمعنى منعشه ... خفيف على البشره وينظف بشكل جميل ..اكثر شي حبيته انه بخاخ فيسهل عملية التنظيف
طريقته استخدامي : احطه بعد ما انظف بشرتي ابخه بعدين امسحه بقطن
تقيمي للمنتج : 10 من 10
اخيراً وليس اخرا
body conditioner
هل منتج من قريت عنه باحد المدونات وانا حابته
(الله يجزاها خير ...ناسيه اسمها للاسف)
عباره عن كريم مرطب طريقته مثل البلسم للشعر بس للجسم ..
تحطين منه بعد ماتغسلين جسمك وهو مبلول تخلينه كم دقيقه بعدين تشطفينه
يعطي ترطيب جميل للبشره وتتشربه البشره بشكل سريع
انا استخدمه ك اخر خطوه ب الشور
انا عن نفسي دايم اشتري كريمات وزبدات ترطيب ولكن اعجز احطهم
واكره انتظر بشرتي تتشربهم
فهل منتج اعتبره الحل المناسب لي
عيوبه : استخدمه 3 الى 4 مرات بالاسبوع وماكملت شهر الا وخلصت كميه كبيره من الكريم
يعني بختصار ما يطول
اكثر شي حبيته فيه ريحته جميله
تقيمي للمنتج :9 من 10
بسبب ان يخلص بسرعه
المنتج الاخير
المنتج جميل لكن ما حسيت بفرق بينه وبين السكرب اللي نسويها بالبيت
الفرق الوحيد بس ان ريحته تجنن << رجعت تشمها
ريحته جداً جمييله حبيتها مرره
تقيمي للمنتج : 5 من 10
هل برجع اشتريه ما اتوقع واذا بتشتريه ف السبب راح يكون الريحه فقط
وبس هاذي كانت المنتجات اللي جربتها اتمنى تستفيدون من هل تدوينه
واذا عندكم اي اقتراح لاي من منتجات lush اللي جربتوها واعجبتكم
اكتبولي هنا او بتويتر
حسابي بتويتر : glamour_90s
ملاحظه : المدونه تو مسويتها من كم ساعه
والتدوينه وفكرتها والتصوير من ساعه كل شي سريع سريع فجاه قررت اسوي مدونه واكتب
وبأذن الله ماراح تكون الاخيره
ليست هناك تعليقات:
إرسال تعليق