زوار المدونة

الأحد، 15 فبراير 2015

ريفيو| Review :برايمرين من شماس بوكس .

السلام عليكم ورحمه الله وبركاته
اليوم جيتكم بريفيو خفيف وبسيط
واللي هو مقارنه بين برايمرين للوجه وكلهم من سماش بوكس
اول شي اغلبنا سمع عن برايمرات سماش بوكس وشافها
اللي يميز بريمراتهم انها متنوعه عندكم 8 انواع  لمختلف انواع البشره واحتياجاتها
بتكلم كنبذه بسيطه عن انوع برايمرات شماس بوكس بعدين بشرح النوعين اللي عندي واقارنهم
اذا حابه تقرين تجربتي على طول تقدرين تعدين جزء "شرح الانواع"










هاذي انواع البرايمرات حقتهم كل نوع له فكره رقمتهم عشان
يوضح الشرح طبعاً الكلام ماخذته من موقعهم
  نبداء بسم الله

1-PHOTO FINISH
يصنع خامة مثالية لوضع مكياج الأساس كما ينعم الخطوط الرفيعة والمسام ويطيل مدة بقاء الماكياج
2-PHOTO FINISH HYDRATING PRIMER
يعطي ترطيبا فوري للبشرة يحافظ على الترطيب لساعات
و ينعم الخطوط الرفيعة والمسام
3-PHOTO FINISH FOUNDATION PRIMER LIGHT
يحتوي على نسبه 60% من المياه
وخالٍ من الزيوت للبشرة الحساسة، الدهنية أو المعرضة للبثور وحب الشباب.
يحتوي على عناصر تمتص الزيوت لتمنح مظهر ناعم وبدون لمعان، طوال يوم
ينعم الخطوط الرفيعة والمسام، و يطيل من مدة بقاء المكياج.

4-PHOTO FINISH COLOR CORRECTING PRIMER
يوحّد ويجانس لون البشرة ويتحدى البقع الداكنة
الخطوط الرفيعة والمسام، ويطيل من مدة بقاء المكياج

5-PHOTO FINISH PRIMER SPF 15
يساعد على الحد من ظهور التجاعيد مع مرور الوقت.يحتوي على واقي شمس بنسبة  SPF 15
ينعم الخطوط الرفيعة والمسام، و يطيل من مدة بقاء المكياج.

PHOTO FINISH LUMINIZING PRIMER 6-
يمنح التألق لبشرة متوهجة ومشرقة ينعم الخطوط الرفيعة والمسام
يطيل من مدة بقاء المكياج

7- PHOTO FINISH COLOR CORRECTING PRIMER
" BALANCE"

قائم على ما نسبته 60% من المياه وخالٍ من الزيوت للبشرة الحساسة، الدهنية أو المعرضة للبثور وحب الشباب.يحتوي على عناصر امتصاص للزيوت
لمنح مظهر ناعم وبدون لمعان، طوال اليوم ينعم الخطوط الرفيعة والمسام،
و يطيل من مدة بقاء المكياج.
7- PHOTO FINISH COLOR CORRECTING PRIMER
" ADJUST"

يقلل من الاحمرار والبقع اللونيه يحتوي على نباتات مهدأة ومساعدة لتجديد وصقل البشرة ينعم الخطوط الرفيعة والمسام، ويطيل من مدة بقاء المكياج


بتكلم اللحين عن النوعين اللي عندي



نبدا باليمين




هل نوع من اكثر الانواع المشهوره من اسمه
 " PHOTO FINISH"
يعني مناسب للتصوير
هل منتج من المنتجات اللي حبيتها من اول استخدام والسبب انه  
يعطي ملمس مخملي للبشره وتمتصه البشره بوقت قصير بالاضافه
الى انه يخفي المسام بالوجه ويثبت لك الميك اب لفتره طويله
 وايضاً يساعد على التحكم بالدهون لو بشرتك من النوع الدهني او المختلط
في استخدامك للمنتج هاذا
عندك خيارين اما تاخذين كميه قليله وتحطينها على كامل الوجه
او تحطينها على اماكن التيزون \ المناطق اللى فيها مسام او الي ممكن
تفرز دهون وتبين تتجنبين هاذا شي
انا جربت الطريقتين
وعطاني نفس النتيجه يمكن لان بشرتي عاديه الى مختلطه
ف خلاص قللت الكميه وصرت احطه على التي زون
وقعد عندي المنتج فتره ماخلص نصه حتى

طريقة الاستخدام
1-حطي كميه قليله على قد حبة الدواء وابدي وزعيها
ابداً لاتحطين كميه كبيره عشان مايسير العكس ويدهن .
2-انتظري من 2 الى  4 دقايق الى ان ينشف انا عادة
احطه على وجهي وعلى بال ما ارسم الحواجب الا نشف.
3-قوامه زي الجل لكن ممكن اول ماتشترينه او اذا خليتيه فتره
تلاقينه صار زي الزيت هنا (رجيه: يعني حركي العلبه كويس)
ويرجع طبيعي


مميزاته
1-يعطي ملمس مخملي واحساس جميل بنعومه البشره
2- تمتصه البشره بوقت قصير
3- يثبت الاساس من 5الى 7 ساعات مايدهن ولا يتغير
4- كميته كبيره ويقعد عندك فتره
 لانك اصلاً كل مره ماتحتاجين الا شي بسيييييط جداً


سعره  200  ريال تقريباً








البرايمر الثاني



PHOTO FINISH FOUNDATION PRIMER LIGHT
يختلف عن الاول باشياء كثير
اولاً قوامه مش جل زي اللي فوق قوامه كريمي مثل المرطب
يعتبر برايمر ومرطب في نفس الوقت
"فكرته انه مناسب للبشره الدهنيه والحساسه لانه يحتوي على زيوت طبيعيه بالاضافه الى انه يمنع اللمعان "
طبعاً هاذا المكتوب بموقعهم لكن تجربتي له غير انا بشرتي عاديه لمختلطه
وهل منتج جربت استخدمه بكذا طريقه
اول مره استخدمته حطيت مرطب بعدين حطيته وبعدين حطيت المكياج
النتيجه وجهي دهن بشكل سريع وغريب
قلت يمكن لان هو اصلاً فيه ترطيب
فجربته بدون مرطب وفعلاً خف التدهين وقعد المكياج فتره اطول بشوي
  لاحظوا انه خف التدهين يعني ماراح بس خذا فتره اطول من قبل
اخيراً توصلت
ان هل منتج افضل طريقه اخليه يثبت
هي اني ما احط مرطب واحطه ك مرطب وبرايمر واذا خلصت المكياج احط باودر
عشان اثبته اكثر وامنع اللمعان بالتيزون
 المنتج جيد بس بما اني جربت نوع " PHOTO FINISH"
ف انصح فيه اكثر خصوصاً انك ماتحتاجين تحطين باودر ويثبت لك الميك اب
 لفتره اطول اصلاً يكفيك الاحساس المخملي اللي تحسينه .
وبس هاذي تجربتي المنتجين نفس السعر
تقريباً من 200 الى 220 ريال
شرحت ترجبتي وبالنهايه لك حرية الاختيار
اتمنى تدوينتي كانت خفيفه عليكم
واستفدتو منها اي وحده جربت اي برايمر من سماش بوكس
ياليت تكتب بالردود عشان نستفيد
شاكره لكم قرائتكم 

"لا اله الا انت سبحانك اني كنت من الظالمين "

اعلانات