السلام عليكم ورحمة الله وبركاته
أتمنى تكونون بخير ..
اليوم راح اتكلم عن مفضلاتي للاشهر اللي راحت
( ابريل ,ماي)
يمكن البعض يستغرب انقطاعي لكن اللي يتابعني بالانستقرام يعرف اني
كتبت راح اجمع الشهرين .. واللي يسأل عن حسابي هو نفسه بتويتر
والانستقرام
@glamour_90s
المفضلات راح تكون مقسمه الى
*مفضلاتي الجماليه
*افضل مقطع
*افضل حساب
*افضل تطبيق
اللي
مستغرب التقسيمه او اول مره يدخل مدونتي ف بختصار انا قررت من 2014 تكون مفضلاتي مختلفه ومتنوعه فيها اكيد
الجانب الجمالي وفيها اشياء حبيتها الفتره اللي راحت ممكن يكون كتاب ممكن يكون
حساب ممكن اشياء جربتها وطلعت سيئه على حسب كل
كل شهر ايش صار فيه اذا اعجبتك الفكره تقدرين تقرين كل التدوينه واذا
ما اعجبتك ممكن تكتفين بالمفضلات الجمالية راح تكون بالبدايه
وبسسس بسم الله نبداء
*اول شي تلاحظون اني كل مره مع كل تدوينه وضعيه تصوير غير ,هل تعجبكم
هل طريقه ولا تحبون نظام ثابت رايكم على هل نقطه يهمني جداً ,اكتبو لي بالتويتر
اول منتج حبيته هو روج من ريفلون
اسمه 003 mauve it over
نوعيته مات قد تكلمت عنه في تدوينتي
ارواج مناسبه للدوام جميل درجته نيود طبيعيه مايله للوردي هنا بالتصوير طالع غامق
شوي بس هنا صوره له من النت اوضح ,ثباته وسط 3 الى 4 ساعات تقريباً
اللي بعده قلوووس جمييييييييل اسمه
22 natural
واضح اني مغرمه فيه لدرجه خلصته طبعاً من نيكس احب احطه مع روج ريفلون اذا ابي اضيف لمعه جداً
يطلع جميييييل وطبيعي اكثر شي استخدمه بالجامعه مرره حبيته اللي يعرف اسم روج بنفس هل درجه يقول لي لاني افضل الارواج عن القلوسات 
هل مناكير من
Mua
ماركه بريطانيه تكلمت عنها باخر مفضلات ورجعت اتكلم عنها هاذي درجه
غير وردي حبيتها للصيف الحلو في هل مناكير ان سعرها ب واحد باوند يعني 6 ريال
والوانها جميله و تنشف بسرعه ايش تبين اكثير هههههه حجمها صغير وهاذي من الاشياء
اللي حبيتها فيها انا احب شعور لما اخلص شي ف يمديك تخلصينها قبل لاتنشف بالعلبه
برايمر من اسينيس
تكلمت عنه بالانستقرام جداً جمييييييل
انا مالاحظت انه يوضح لون الشادو بس لاحظت انه مايخلي الشادو يخطط على
الجفن ولا مره جربته وخطط الشادو ف فكرت ليه ما اجربه تحت العين بما اني مرات يخطط
معي الكونسيلر مع اني اثبته ب باودر المهم جربتها ونفع الحمد لله حسيت اني اكتشفت
شي جديد
والاحلى من هاذا كله ان سعره 14 ريال
نجي لاخر شي من المفضلات الجماليه
بودره ستيديو فيكس من ماك
هل بودره تعطيك تغطيه من ميديم الى فل كفر , انصحتني فيها وحده تستخدم
درجه غامقه منها وتستخدمها على اساس برونزر مع التان المهم شريتها ووقعت في غرامها
طبعا هل كلام من سنه وبما ان رجع الصيف رجعت استخدمه ما يحتاج رائعه افكر ارجع
اشتري درجتي
اسم الدرجه اللي بالصوره
Nw40
وبكذا خلصت من المفضلات الجماليه
نجي الى افضل تطبيق :
pinterest
اتوقع الكل يعرفه واللي مايعرفه لازم يحمله البنتريست من اكثر
التطبيقات الملهمه بكل النواحي مثلاً اشتهيت غداء صحي اكتب
" healthy lunch"
واستمتع بالصور اللاحترافيه واشوف اللي يعجبني اكثر واطبق او بتسوين حفله مثلاً وحابه افكارمن ناحيه الثيم او التقديمات اوحابه تبحثين على شكل كيكه عموماً هو
عالم كبيييييير هو شبيه بالانستقرام لكن الفرق ان الانستقرام تخرب مع التاجرات
تكتبين هشتاق كيك مثلاً تلاقين جلابيات ومدري ايش بعكس هاذا , وهاذا التطبيق من
التطبيقات اللي الهمتني لتدوينه التخطيط اليومي بختصار انصحكم فيه
نجي لحساب مفضل :
من الحسابات اللي تعجبني واحرص اني اتابعها هو حساب دلاليد اتوقع كلكم
تعرفونها واللي مايعرفها انصحه يضيفها هي عباره عن بنت كويتيه اسمها دلال الدوب
لكن اسم حسابها دلاليد والاغلب صار يناديها بهل اسم هي بلوقر كويتيه محجبه توها
بدت تفتح لها قناه باليوتيوب اشتهرت من سنتين او اقل بشوي اكثر شي انتشرت فيه تعرفون
ايش كحلتها
,كانت تسوي كات اي بالكحل الازرق والكل كان يسألها عن طريقه كحلتها
هاذا غير اناقتها ولفتها لحجابها اللي ايضاً عجب كثير ماشاء الله مرتب حجابها وسوت
مقطع باليوتيوب تشرح الطريقه بختصار اللي مايعرفها ياخذ لفه على حسابها متأكده راح
تحبونها وتضيفونها
نجي لاخر بارت اللي هو مقطع :
بختصار شدييد هل مقطع علق براسي ولما شفته قلت لازم الكل يشوفه هو
عباره عن مقطع وثائقي يمكن البعض من يسمع اسم وثائقي يهون يشوفه لكن من وجهة نظري
لازم تشوفونه ليه لانه عباره عن فلم وثائقي يوعي الناس على ظاهره انتشرت في
المملكه اللي هي ناس يموتون فجاء لسبب انهم مارسوا حقهم بالتنفس ماراح اشراح كثير لان الفلم مسوينه شباب سعوديين لا يتجاوز ال 35 دقيقه وتعبانيين عليه .
وبس بكذا خلصت التدوينه ان شاء الله تكون اعجبتكم
اذا اعجبتكم ياليت تساهمون في نشرها
عن طريق تويتر
,وبسسسس
لا الله الا انت سبحانك اني كنت من الظالمين
