زوار المدونة

الأحد، 23 مارس 2014

تجربتي مع لصقات كرست ومنتجات اخرى


السلام عليكم ورحمه الله وبركاته

 

اليوم الموضوع راح يكون خفيف ان شاء الله مثل ماهو باين في العنوان بتكلم لكم عن تجربتي مع لصقات كرست ومنتجات اخرى جربتها منهم

عدد المنتجات اللي جربتها : 4 منتجات

لصقات كرست للاسنان الحساسه

لصقات كرست ثري دي

لصقات كرست لمدة ساعتيين

معجون كرست

 

 

مده الاستخدام لمنتجات كرست: 5 سنوات

عدد العلب اللي شريتهم خلال هل فتره ...امم تقريباً

مو اقل من 5 وراح اشرح لكم ليش

 

طريقة الاستخدام بشكل عام لكل انواع الصقات :

1-حاول ان تكون اسنانك جافه قبل التلصيق افتح شفايفك حتى يدخل الهواءبين اسنانك ثم الصق الشريط
2-اثناء استخدام اللصقات لاتاكل او تدخن
3-لاتصلح لمن لديه اسنان تركيب اوحشوات اوفينيل
لانها ستبيض اسنانك ماعدا التركيب والمحشوة
4-لاتناسب الاطفال اصغر من 14 سنه
5-المنتج ليس له اضرار ولايؤثر على مينا الاسنان

6-يمكن ان يتسبب المنتج بحساسيه مؤقته ولكنها لاتستمر
وتنتهي حال الانتهاء من استخدام اللصقات
7-قلل من شرب القهوة والشاي اثناء ايام الاستخدام
8- ينصح بتفريش الاسنان قبل الاستخدام بساعتين على الاقل
(لاتفرشي اسنانك قبل الاستخدام باقل من هذه المده حتى لايتسبب
المنتج في حدوث حساسيه لاسنانك)
9-تمضمض بالماء بعد استخدام اللصقات لازالة الجل

 

 

 


 

 

لصقات كرست بشكل عام

 

عباره عن لصقات تحطينها على اسنانك وتكون اسنانك جافه

وتنتظرين على حسب اي نوع شريتيه لان كل نوع تركيزه ومدته تختلف

بعدين تشيلينها وتتمضمضين عدل او تفرشين اسنانك عشان تضمنين ان الماده اللي في اللصقات راحت

 

بعدها بتحسين ان اسنانك مرره نظيفه كانك مسويه لهم تنظيف بعيادة ومن 3 يوم تلاحظين فعلاً تفتيح بدرجة اللون

 

الفتره اللي يستمر فيها التبييض امممم التبيض ما يروح لكن اذا انتي

تشربين كولا قهوه شاي وتاكلين شوكلاته والمواد هاذي اللي فيها تصبغات راح يغير لون الاسنان .. وهاذا شي طبيعي

حتى تبييض العيادات بعد التبييض يقولون عشان تحافظ على اللون لازم تخفف من المواد الصبغيه

انا عن نفسي احب القهوه العربيه وعشان كذا لصقات كرست اشتريها كل سنه

عشان اضمن ان البياض يستمر معي

 

 

 




ثري دي وايت جنتل روتين

( للأسنان الحساسه )
Crest 3D White Whitestrips, Gentle Routine

اول تجربه لي كانت مع لصقات كرست للاسنان الحساسه
الصوره من النت لان من زمان مجربتها ولا عندي صوره له
المهم

الاستخدم لهل نوع كان نص ساعه كل يوم

النتيجه : كان اول استخدام لي مع هل لصقات واول نوع اجربه وفتحت اسناني كثيييير مع ان لما شفت انها للاسنان الحساسه قلت اكيد بتكون اضعف من العاديه وقوتها اقل لكن طلعت ممتازه

 

التبييض استمر كثيير وبعدها طمعت قلت ابي اكثر وشريت هل نوع


 




3D white Advanced vived
ثري دي ادفانسد فايفد


هل نوع ممتاز اكثر نوع شريته يفتح الاسنان من درجتين الى 3 درجات

عيوبه :هل عيب مالاحظته الا بالفتره الاخيره يعني هل منتج اشتريته كذا مره

اخر سنتين لاحظت انه يلصق كيف يلصق

يعني لما احط اللصقات على اسناني واجي اشيلها بعد نص ساعه

اعاني عشان اشيلها لاصقه مرره فتتقطع وانا اشيلها وتاخذ وقت طويل ما ادري ايش المشكله وسألت وحده كانت تستخدم نفس هل نوع وقالت لي بعد نفس المشكله

 

الحل : لما تخلص النص ساعه صرت ما اشيلها لا اتمضمض وهي موجوده بالاسنان

واكرر المضمضه ولاحظت ان هل شي خلاها تلين لان الماي بيدخل على الماده اللي بالصقه ويخف التصاق المنتج بالاسنان ف اقدر اشيلها اسرع

 

 



 

هل نوع اسواء نوع جربته قوي مرره على الاسنان

عباره عن لصقات الوحده تستخدمينها لمده ساعتين والمفروض انها تبيض الاسنان فمايحتاج تلتزمين بكورس بس تستخدمينها ساعتين ويقعد التبييض لفتره طويله

النتيجه : سيئه بكل ماتحمله الكلمه من معنى حسست اسناني كثير

على اساس انها ساعتين قلت يالله باستخدمها قبل المناسبه وياليتني ما استخدمتها

خلت اسناني حساسه طول اليوم لدرجه شفتو لما يدخل الهوا لفمكم وتحسون انه قاعد يحسس زي كذا احس كان اسناني زجاج من الحساسيه

شرحي غريب بس ان شاء الله فهمتو

العلبه فيها 4 لصقات وكل لصقه ساعتين انتبهو لا تشترونه كل اللي جربه حسس اسنانهم

وهل الحساسيه تستمر من 3 الى 5 ايام تقريباً و التفتيح شي بسييط في هل نوع يعني بختصار لاتفكرون تجربونه
 

 

انا حبيت هل شركه لان منتجاتها جداً رائعه بأستثناء لصقات الساعتين

فعشان كذا قلت اجرب منتجات ثانيه وجربت معجون

 


 
3D advanced vivid tothpaste
معجون ثري دي ادفانسد فايفد

ممتتتتتتتاز ممتتتتتاز جداً
استخدمته مع الكورس وفتح اسناني كثيير وجربته بالحاله وبعد ممتاز

مع الاستخدم تحسين ان اسنانك فتحت

انصح فيه وبقوه 

 

 

وبس بكذا خلص الموضوع

ملاحظه مهمه

حاولي تبتعدين او تخففين من المشروبات اللي فيها مواد صبغيه

واذا شربتي مشروبات غازيه او عصيرات او اي شي ممكن يكون فيه

الملونات الصناعيه استخدمي معها مزاز ونظراً لاختلاف اللهجات هاذا صورته ههههههه
 

 

 

 

وطبعاً كل ما اهتميتي كل ماكان التبييض مستمر
 
 
وبسسس
ان شاء الله افادك الموضوع
لا اله الا انت سبحانك اني كنت من الظالمين

اعلانات