السلام عليكم ورحمه الله وبركاته
اليوم التدوينه راح تكون عن منتجات جربتها وحبيتها في
2014
هل سنه بالنسبه لي اعتبرها شهر مش سنه من سرعتها بس مع
ذالك جربت اشياء كثير فيها ,
من المنتجات
اللي حبيتها في هل سنه هاذي المنتجات نبداء بسم الله من اليمين
mac blush harmony
بلشر من ماك اسمه هارموني نزلت له صوره بالانستقرام
وكتبت انه من المنتجات اللي ناويه عليها
والسبب ان اليوتيوبر "Camila" كانت تمدحه كثير وكان يعجبني
كيف الكنتور حقها طبيعي
هاذي الصوره اللي نزلتها
وفعلاً طلع جمييييييييييييييييييييييل جداً
هنا صوره اوضح للدرجه
مميزاته
1-
طبيعي
2-
ثلاث منتجات في واحد بلشر,شدو,وممتاز للكنتور
3-
سهل الدمج والتحكم فيه
4-
ثابت لوقت طويل
جربته كـ بلشر وطلع جميل برضو مع اني اول ما
شفت اللون اقول من يشتريه كـ بلشر
لما تحطينه ك بلشر تحسين انه يعطي دفء للوجه مايناسب
اللي بشرتهم فاتحه مره بيطلع غامق عليهم
لما استخدمه ك كنتور طريقتي احط شوي وابدا
ادمج واذا احتجت زدت شوي
لمين يعطيني النتيجه اللي حابتها بشكل طبيعي
سعره 129 ريال
هاذا مرطب يومي للوجه من بودي شوب
كنت ادور على مرطب يناسب بشرتي المختلطه كل
ماجربت مرطب دهن بشرتي
وهاذا كان الحل الامثل ميزته انه "Hydrate" يعني
اساسه مائي
اصلا لما تفتحين العلبه تحسينه غير عن
المرطبات الثانيه قريب للجلي بس على كريم
قوامه خفيف ومائي
مميزاته
1-
قوامه خفيف
2-
تمتصه البشره بسرعه
3-
يناسب البشره الدهنيه الى المختلطه .
سعره 65 ريال
dior lip glow review
هل منتج جميل خفيف
يعطي ترطيب حلو وامتلاء خفيف ويهيى الشفايف
للروج ويطلع بعده جميل
العيوب 1- ان سعره مرتفع كـ مرطب
2- يخلص بسرعه
سعره بموقع سيفورا ب
123 ريال
givenchy mascara Noir
Couture
مسكارا جفينشي حجمها صغير لانها جايه مع علبه
المهم انها جميله
مثل ماتلاحظون فرشتها غير عن باقي المسكرات
فيها ثلاث انحناءات ترفع لك كل الرمش من
البداية الى النهاية
وممكن تستخدمينها للرموش التحتيه ممتازه
سعرها بموقع سيفورا ب
120
ريال
mac lipstick kinda sexy
جميل الروج درجته نيود على نتفه مشمشي بالصور
ببين لكم اكثر
يطلع جميل مع بلاشر برونز او مشمشي ولو
دمجتيه مع لون ثاني يطلع جمييل
من الارواج المست هاف
هنا صور له
سعره 108 ريال
*منتجات ماك لو تطلبونها من موقعهم ارخص
بكثير الروج بالثمانينات متخيلين !!
اخيراً برايمر سماش بوكس
مناسب لجميع انواع البشره هل برايمر شريته على مدح اليوتيوبر "Camila" البرازيليه
ماشاءالله كل شي تمدحه يطلع فعلاً جميل
قوامه جل سهل التوزيع ويعطي ملمس مخملي للبشره
يساعد على اخفاء الرؤوس السوداء .ويثبت الاساس لفتره طويله
وكميه المنتج كبيره لان نقطه منه تكفي الوجه كله
سعره بموقع سيفورا
135 ريال
وبس اتمنى كانت التدوينه خفيفه عليكم
حساباتي بتويتر والانستقرام بنفس الاسم
Glamour_90s
لا الله الا انت سبحانك اني كنت من الظالمين .
لا الله الا انت سبحانك اني كنت من الظالمين .
ليست هناك تعليقات:
إرسال تعليق